Creative'ink By:
Sejida Jemai, a 17 year old girl. She is a student of Arts in third year high school,literature major. She has been writing since she was 15. She writes in Arabic, Tunisian Arabic.She dreams of publishing her own book one day. She is very open to share her thoughts and she is excited to be doing so on our blog.
عالنسمة اللي تطير سفساريها
وبوسة الخال والوشم اللي مواتيها
وتبختيرها وتذبيلة عينيها
جبتها المطروزة بصوابع يديها والحنة والحرقوس مزينين ساقيها
عينيها كحلة عربية وبشرتها سمرة وبيضة وقمحية
وخدودها حمراء وردية
لاهي عزوز ولاهي بنية...مرات معرسة ومرات صبية
اولادها مسلمين ويهود ومسيح...تبكي دم كل ما واحد فيهم يطيح
صغيرة مزيانة مهما يطول عليها الزمان وضيافها يزوروها من كل مكان
ترويلهم عطشهم في زغوان...وفي ڨفصتها يلقاو الامان
تتظلل بالسعف...وتلبس الحلفة القديمة وتهداهم من صنع يديها قفف
تمشي بيهم لڨابس ونخل جربة والعرجون اليابس
تتعدى على نابل في ثنيتها...ولبنزرت تكبس خطوتها
تنسيهم تعبا لثنية بضحكتها وفي كل مدينة ترويلهم تاريخها وحكايتها
قرون وقرون عاشتها ومزالت قوية وفي صحيحتها على كل شيبة في شعيراتها تروي
حكاية وحكاية اخرى نساتها
تكمل طريقها بتمر وخيرات في زادها..وفي القيروان تفرش سجادها
في سليانة...سيدي بوزيد ومنوبة تلقىا ولادها
في اريانة... الكاف وجندوبة يستناوها اكبادها
تنوّر ڨفصة بنورها وخضراء مزيانة ينادولها
تتلحف تقريطة وملية...واللي يراها يصلي عالنبي لاتصيبها بلية
بحلو صفاقس تودّ زوارها...وفي ثنية سوسة أخبارها
للسياح حلّت دارها...والبحرالابيض على يسارها
سلطانة تترنم في الڨصرين...ومانساتش قبلي ومدنين
تبدل الوجهة للمنستير...وماتنساش تطاوين وتوزر مهما يصير
...تلبس جبة وحزام مواتيها...مشموم و فل بين يديها...وتوريهم وين حلت عينيها
...المدينة العربي والزيتونة فيها
...لباجة تشدالثنية...وبعدها تختم بالمهدية
عرفتوها شكون؟!
اي نحكيلكم عليها هيا...نحكيلكم على تونس البية
COMMENTS